இலங்கையின் மேற்கு கடற்பரப்பில் 200 கிலோகிராம் போதைப்பொருளை ஏற்றிய உள்ளூர் பல நாள் கடற்றொழில் இழுவை படகு கைப்பற்றப்பட்டதுடன் 06 பேரை கைது செய்துள்ளதாக இலங்கை கடற்படை(Srilanka navy)தெரிவித்துள்ளது.
இலங்கைக்கு மேற்கே சுமார் 121 கடல் மைல் தொலைவில் இலங்கையின் கடற்படையினரால் மேற்கொள்ளப்பட்ட நடவடிக்கையின் போது இந்த படகு இடைமறிப்பு செய்யப்பட்டுள்ளது.
இதன்போது ஏறக்குறைய 200 கிலோகிராம் போதைப்பொருளை ஏற்றிக்கொண்டு பயணித்த பல நாள் கடற்றொழில் படகுடன் ஆறு பேர் கைது செய்யப்பட்டதாக கடற்படை தெரிவித்துள்ளது.
இதனையடுத்து போதைப்பொருட்கள் ஏற்றப்பட்ட படகுடன் கைது செய்யப்பட்ட 6 பேர் தற்போது இலங்கையின் கரையை நோக்கி அழைத்து வரப்படுவதாக கடற்படை மேலும் அறிவித்துள்ளது.
